منتديات كلام



انضم إلى المنتدى ، فالأمر سريع وسهل

منتديات كلام

منتديات كلام

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الإبــــــــــــــــــداع هــــــــــدفــــــــــــــــنا


    تخيلوا البنات يخطبون الرجال

    بنت عز والكل يفز
    بنت عز والكل يفز
    عضو جديد
    عضو جديد


    عدد الرسائل : 57
    تاريخ التسجيل : 20/03/2008

    تخيلوا البنات يخطبون الرجال Empty تخيلوا البنات يخطبون الرجال

    مُساهمة من طرف بنت عز والكل يفز الثلاثاء أبريل 29, 2008 11:57 pm

    وووووه وضع عجيب ,,

    يعني تتفاجأ في يوم وانت قاعد تقرا كتاب رومانسي وأنواع الأحلام الورديه
    (يااي ياربيييي)
    و سرحان في فارسة احلامك على السرير الابيض..
    الا و امك داخلة عليك و توها جاية من الاستراحة << ركزوا الاستراحه
    و تقولك: يا ولدي ودي اكلمك في موضوع. .
    ترد انت بكل خوف : خير يمه؟ ....
    تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت
    وكلن يبيك. ها وش رايك
    ثم تنزل انت راسك في الارض و تلعب باصبعك في شعرك (او شنبك) و ترد و انت
    مستحي و خدودك حمرة (هذا اذا كنت محلق اللحية) و تقول: ....
    الراي رايك والشور شورك يايمه..
    تقول امك: انا بصراحة ما اشوف في البنت شي. .

    ماشالله عليها محترمة و وظيفتها زينه و راتبها ممتاز و من عايلة محترمة و من
    البيت للمسجد و من المسجد للبيت ..
    ولا عندها سوالف السفر و الخربطة و ما تشرب ولاتدخن و لا تروح لاستراحات
    البنات << استراحات بعد,,
    . يعني بنت ما عليها. .
    تقول انت : بس يا يمه هي ما شافتني من اول. انا دايما متلطم بشماغي
    <<ههههههههههههههههههههههه لا تعليق
    تقول امك: هي شافتك و انت نازل من باص المدرسة <<انواع البراءه.

    بس ..و سألت عنك و قالو لها ولد وش حليله ماهوب راعي سوق و كوفي شوب و ما
    يطلع الا مع ابوه. (وافشيلتاااه)
    هههههههههههههههههههههههه

    و تراها هي و امها جايين يوم الخميس علشان يشوفونك..
    تسال انت: طيب يا يمه ابوي وش رايه؟
    تقول امك: ابوك ما يدري خليه حايس في المطبخ الله يعينه.. << يجرب يسوي حلا
    ليوم الخميس هع هع هع
    تقول انت :اللي تشوفينه يمه. .وتطلع امك من الغرفة
    وتطمرانت قدام المراية و تاخذ نص لفة يمين و نص لفة شمال تشوف جسمك و تمشط
    شعرك و شنبك بدلع (امحق دلع)<< لا تعليق ههههههههه

    و تقول : اه اخيرا حسَت و خطبتني. << لا فيه احساس
    و قبل يوم الخميس تروح انت لكوافيير رجالي و تكون مسوي حجز و تقعد و تصبغ
    شعرك (هاي لايت) و تزين حواجبك و تطلع زي قمر اربع طعش

    وتجي البيت و تلبس الثوب اللي فصلته عند المصمم( ام عبده) لثياب الاعراس و
    الحفلات واللي فيه فتحة من عند الساق و فتحه في الظهر وسيور و ذاك المكياج
    وذاك العطر اللي يشق الخشم و تنزل للصالة هههههههههه
    يقولك ابوك : يالله دخل العصير على خطيبتك ترى امك ذبحتنا تسال عنك
    تقول انت بكل خجل: واي واي يا يبه انا استحي امبي ابي امي ابي جدتي ابي عنزتي
    المهم
    ابوك يقولك وهو يطق على كتفك و يضحك يا ولد روح لعروسك
    تقول انت: يا يبه دايما تحرجني انت يوووه منك
    و تاخذ صينية العصير و تدخل المجلس اللي فيه البنت بكل نعومه ورقه ودلع وأدب
    و تقول بصوت ناعم: احم احم الس سسسلام عليكم <<يمديكم على الدلع
    ترد هي بعد ما وقفت و عليكم السلام ( و هي تناظر فيك و قعت خلاااااااص) ...
    و تقولها تفضلي....
    تقول هي: وش الاحلى العصير الاحمر و لا الاصفر؟ << يقالها تبي تلطف الجو معك
    وتطرح الميانه
    تقول انت: كله حلو
    تقول هي: اكيد كله حلو لانك انت اللي مسويه

    ثم تحط الصينية بسرعة و يدك على فمك و تضحك و تروح داخل بسرعة
    ياربييييييييييييييه
    الا اخوانك يحترونك و يقولون: ها وشلون شكلها

    تقول انت: يووه تهبل تهبل حلوة و دمها خفيف و ذوق اهههههااي
    الا ابوك من المطبخ يزغرط
    لللللللوووولللللوووووشششششششش مبروك يا ولدي

    الا بدخلة اختك العربجية من بره و حاطه عبايتها على كتفها و تقول : خير وش
    فيه !!<< جايه من الاستراحه طبعا ههههههه
    يقوله ابوك : قصري صوتك في وحده داخل خطبت اخوك ..
    تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصا رخ عليك والله لاوريها شغلها اللي جايه تخطب اخوي ...

    الا بدخلة امك و تسطر اختك كف و تطلع اختك بالسيارة و تفحط و تروح للاستراحة
    البنات <..تخيلوا عاد <<<خطيررررررررررررره من جد وناسه
    و تمر الايام و انت تجهز ثوب العرس و الكوشة و بيت الزوجية و خلال هالفترة
    تمرك زوجتك بالسيارة تتمشون
    و يجي يوم العرس و تقعد انت في الكوشة و كل الشباب حوالينك يرقصون و يغنون
    على انغام الطيران <<ههههههههههههههه

    رجال و طبعا مافيه **ميدة ولاموضي او العنود وسارة >>> طقاقات خبره
    وشوي الا العفسة قايمة : ترى العروس جايه
    ويطامرون الرجال و الشباب كلن يلبس شماغه و يتلثم ..
    و تدخل العروس مع امها و خواتها (خواتها يتيميلحون قدام الشباب ) و تقعد
    العروس جنبك و ترفع الطرحة (طرحة البسام بصمة خمسة) و تقولك: الله صاير مثل
    القمر
    ثم تلف وجهك وانت مستحي
    و يتم الزواج و بعد تسعة شهور الا انت تجيب توأم
    وتمر الأيام تربي عيالك و تطبخ الغدا لزوجتك

    وتتهاوشون ساعات و تنام و دمعتك على شنبك << اتخيل الوضع ههههههه

    وفي يوم يزيد حدة الخلاف و تاخذ شماغك و عيالك و تروح لبيت اهلك

    و تصلح امك ما بينكم
    وتستمر الحياه وتصير فعيالكم مثل ماصارت فيكم
    ااااااااخ بس لو حقيقه اهم شي مايطلع من البيت الا بشوري
    تحياتي

      مواضيع مماثلة

      -

      الوقت/التاريخ الآن هو الخميس مارس 28, 2024 12:13 pm