كيكة الشوكولاته بالجبن لذيذه جدا جدا جدا مثل كيكة بيتي كروكر

السلام عليكم ورحمة الله :
اخواتي العزيزات اليوم جبتلكم كيكه لذيذه جدا انا شخصيا شكلي ادمنت عليها لانها الصراحه مره لذيذه انا سويتها اليوم العصر وقلت اذا ضبطت معاي وطلع طعمها لذيذ اصورها لكم وفعلا سويتها وطلعت ماشاء الله تبارك الله لذيذه جدا على طول جبت الكاميرا وطقيت لي كم صوره وهذي صورتها اكيد اعجبتكم باعطيكم المقادير على طول:
مقادير الكيكه :
مكتوب عندي 2اصبع زبده (حطيت ثلاثة ارباع الكاس زيت)
كوب سكر وتراها موكثير لان بودرة الشوكولاته اللي بتحطينها كثيره وبتخلى الكيكه مره شوي اذا ماحطيتي كوب كامل يعني كوب موكثير يصير حلاها متوسط وحلو
3او اربع بيضات
7ملاعق شوكولاته بودره
كوب طحين
ملعقه صغيره باكنج بودر
مقادير حشوة الجبن:
بيضه
كوب جبنه كريميه(جبنة فيلادلفيا)
واللي ماعندها ممكن تستخدم بديل عنه جبن كيري حطي 6حبات
4ملاعق كبيره دقيق
3ملاعق كبيره سكر
طريقة التحضير:
اخلطي مقادير الكيكه مع بعض مثل اي كيكه
في الخلاط اخلطي مقادير حشوة الجبن حتى تتجانس
ادهني صينية الفرن بالزيت
ضعي نصف كمية خليط الكيك ثم ضعي خليط الجبنه ثم بقية خليط الكيك
دخليها الفرن من تحت ومن فوق
وخلي النار من فوق هاديه علشان ماتحترق الكيكه وبالعافيه عليكم الكيكه
ولاتنسوني اذا سويتوها واعجبتكم ادعولي