منتديات كلام



انضم إلى المنتدى ، فالأمر سريع وسهل

منتديات كلام

منتديات كلام

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الإبــــــــــــــــــداع هــــــــــدفــــــــــــــــنا


3 مشترك

    ,,’’,, قصيدهـ في جميييع قبااائل السعوديـــهـ ,,’’,,

    المهندس
    المهندس
    مشرف منتدى الاصدقاء العام
    مشرف منتدى الاصدقاء العام


    عدد الرسائل : 77
    . : ,,’’,, قصيدهـ في جميييع قبااائل السعوديـــهـ ,,’’,, 71507410
    تاريخ التسجيل : 23/07/2008

    ,,’’,, قصيدهـ في جميييع قبااائل السعوديـــهـ ,,’’,, Empty ,,’’,, قصيدهـ في جميييع قبااائل السعوديـــهـ ,,’’,,

    مُساهمة من طرف المهندس الثلاثاء أغسطس 19, 2008 12:36 pm

    يالله ياخالـق اراضيـن وابحـار **** الـواحـد المعـبـود را** عبـيـده

    الخالق الغفار عـلام الاسـرار **** وفـرق شعـوب الارض فـي كـل يـده

    وابدي واسولف من عذيبات الاشعار **** ابيات شعر والمعانـي وكيـده

    اشري وابيع واعرف كيف بختار **** واختار من جـزل البيـوت الفريـده

    وذكر تراث وعـز وامجـاد وافخـار **** قبائـل تومـن بديـن وعقيـده

    وصلت حضارتنا على سطـح الاقمـار **** ابنـا الجزيـر والجزيـره مجيـده

    في ظل حكام لهم فعـل واشـوار **** ال السعـود اللـي تفـك الضهيـده

    نسل ال**** الحاكم العـادل البـار **** مجـدد امجـاد الجزيـره بجيـده

    حتى اصبحت حره وحنا له انصار **** في ظل اخـو نـوره هنـوف سعيـده

    وصارت لابو تركي بطوله وتذكار **** والفخـر والامجـاد تبقـى شهيـده

    وخلف لنا املوك لهم فعل واخبـار **** الشعـب واحـد والقيـاده رشيـده

    والامن بانينه على ساس وجدار **** وقرو علـى العابـث عقوبـه شديـده
    وحنا حماة الدار من كـل غـدار **** ومـا همنـا بطشـه وخبثـه وكيـده

    قبائـل مالحقناهـم اوعـار **** وعشنـا بهـذي الـدار عيـشـه رغـيـده

    والحمد لله نحمده سر واجهـار **** شعـب تكاتـف مـن سنيـن مديـده

    ودون الوطن جيش على كل معبار **** لارفرف البيـرق ونـادى عقيـده

    بشرق البلاد وغربها دوم حضار **** وارض الشمال اللـي نفـوده مديـده

    وارض الجنوب اللي تخيضر بالاشجـار **** جزيـرة فيهـا القبايـل عديـده

    ارض بها قحطـان وافيـن الاشبـار **** وياعـز منهـم بالشدايـد بسيـده

    واذكر عتيبه يوم للطيب مغـوار **** لا ثـارت الهيجـا وقـرب ضديـده

    وشمر هل الطولات والجود مقدار **** اهل الكرم واهل الفعـول الحميـده

    وقوم اعنزه مروين الاخصام الامرار **** اولاد وايـل مـن عصـور عهيـده

    ومطير قوم تكرم الضيف لا زرار **** وياويـل خصـم فـي حراهـم وعيـده
    واذكر قبيلة حرب يانعم الاخيـار **** وتاريخهـم يحكـي سطـور مجيـده

    وسبيع نعم القوم ووجيه الاسفار **** **ن الدخيل ليـا **ـن مـن طريـده

    واذكر قبيلة يام والطيـب ينـدار **** اهـل العلـوم الوافيـه والرشيـده

    ثم الدواسر تجعـل الخصـم منهـار **** عيـال زايـد عـز منهـم سنيـده

    ثم السهول اللي لها الطيب مدرار **** وعن منهج العادات ماهـي محيـده

    ثم اذكـر العجمـان حمايـة الجـار **** والمرجلـه والجـاه فيهـم عتيـده

    واذكر بني مره طويليـن الاعمـار **** مـا ينقـد المـري ولا لـه نقيـده

    واذكر بني خالد قبيلة وامار **** قوم لهـم فـي المجـد قـول ورصيـده

    وبني تميم اللي لها الطيـب مصـدار **** بنـي تميـم وكـل فعـل تجيـده
    ثم الزعوب اللي بها الخصم يحتـار **** شجعـان ماترضـى سـوا ماتريـده

    العازمي وافي وفي الطيب بيطار **** روحه على كـل المصاعـب صميـده

    ثم الظفيري في المصاعيب جبـار **** والطيـب والامـداح باصلـه وطيـده

    ثم اذكر الاشراف بجلال واكبار **** اهـل الحجـاز اللـي تفـك الزهيـده

    ثم الهذيلي له مواقف ومندار **** راعي الفخـر راعـي العلـوم السديـده

    ثم البقوم اللي لهم جيش وامهار **** ريـف الضيـوف ليـا لفاهـم وليـده

    واذكر ثقيف اللي لهم مجد وآثار **** ومهمـا حسبنـا مـن كـلام نعيـده

    وبلحارث اهل العز بشهود واقـرار **** ا لحارثـي ياطيـب فعلـه وجيـده

    والمالكي معروف لا صار ما صار **** في موقف اهل الطيب يبذل جهيـده

    واثني تحياتي عدد وبـل الامطـار **** علـى سليـم وكـل خصـم تكيـده

    واذكر جهينه هل مواقيف وادوار **** تلقى الجهيني راسم الطيـب بيـده

    واذكر بلي والمجدله فعل واظهار **** وتاريخهـم يحكـي فعـول فريـده

    وبني عطيه في المواجيـب حضـار **** قـوم بوقـت الجـد قـوم عنيـده

    ثم الحويطي والكرامه لـه اشعـار **** ثـم الشـراري لـه فعـول مفيـده
    ثم الرشيدي في الصعيبات صبـار **** علـى علـوم الطيـب فعلـه يزيـده

    وباقي جنوب الدار والقاف مادار **** باقي علـى قلبـي كـلام واشيـده

    زهران نعم القوم في وقت الاضرار **** والخصم عينه مـن لقاهـا سهيـده

    والغامدي معروف له عزم واصرار **** راعي المراجـل والعلـوم المفيـده

    وشمران قوم والجمايل لهـا اطـوار **** وبلقـرن سـم للقلـوب النكيـده

    والا***ـي والمحلفـي مابعـد بـار **** والحارثـي طيبـه وفعلـه يشيـده

    وبني شهر وبني عمر سيـف بتـار **** قـوم علـى الاخصـام نـار وقيـده

    والاسمري والاحمري صيتهم سـار **** بيـن القبايـل والمواقـف شهيـده

    واذكر عسير الهول ذربين الاذكار **** وابها احتموها فالسنين الشديـده

    وادهم والصيعر على حد الاقطار **** يحمون حد الدار مـن اللـي يريـده

    وامشي مع الساحل مع جملـه افكـار **** رسمتهـا والطيـر زان اتغريـده

    وانزل على جيـزان تاريـخ واديـار **** ورجـال فيفـا والقبايـل عديـده

    وارجوا العذر واهل المواجيب عذار **** الي نسيته مانذكر في القصيـده

    الواهبي عـدد ابيوتـه بـالادوار **** مـن شاعـر ماشـل قلبـه حقيـده

    شهران هم هل المدح والكار **** واهل الكند واهل السيوف الجديده

    حبيت ابين موقفي بين شعار **** وارجـوا سموحتكـم علـى ذا النشيـده

    ماحب انافق واتعنصر تعنصار **** ولا نـي باطيـع اهـل العقـول البليـده

    ما كل من طب البحر قيل بحار **** وما كل من شل الفشـق جـاب صيـده

    فالشعـر بستـان بـه ورد وازهـار **** واللـي تعداهـا بيوتـه فقـيـده

    واقولها في الشعر تكرار وامرار **** ضـرف بـلا عنـوان يلغـى بريـده

    وبعض السوالف له مواقف ومحضار**** وشعـر بـلا معنـى لـزوم نبيـده

    وصلوا على المرسول شفـاع الابـرار**** محمـد الهـادي وقـدوة عبيـده


    هلال دريد
    هلال دريد
    مشرف منتدى الرياضة العربية والعالمية
    مشرف منتدى الرياضة العربية والعالمية


    عدد الرسائل : 115
    الهواية : ,,’’,, قصيدهـ في جميييع قبااائل السعوديـــهـ ,,’’,, Sports10
    تاريخ التسجيل : 28/03/2008

    ,,’’,, قصيدهـ في جميييع قبااائل السعوديـــهـ ,,’’,, Empty رد: ,,’’,, قصيدهـ في جميييع قبااائل السعوديـــهـ ,,’’,,

    مُساهمة من طرف هلال دريد الأربعاء أغسطس 20, 2008 11:14 pm

    صح لسان الشاعر ..مشكور
    أبوفيصلMH
    أبوفيصلMH
    عضو جديد
    عضو جديد


    عدد الرسائل : 5
    تاريخ التسجيل : 08/06/2008

    ,,’’,, قصيدهـ في جميييع قبااائل السعوديـــهـ ,,’’,, Empty رد: ,,’’,, قصيدهـ في جميييع قبااائل السعوديـــهـ ,,’’,,

    مُساهمة من طرف أبوفيصلMH الأحد أغسطس 31, 2008 6:30 am

    صح لسان الشاعر ومشكور هلال مدريد
    المهندس
    المهندس
    مشرف منتدى الاصدقاء العام
    مشرف منتدى الاصدقاء العام


    عدد الرسائل : 77
    . : ,,’’,, قصيدهـ في جميييع قبااائل السعوديـــهـ ,,’’,, 71507410
    تاريخ التسجيل : 23/07/2008

    ,,’’,, قصيدهـ في جميييع قبااائل السعوديـــهـ ,,’’,, Empty رد: ,,’’,, قصيدهـ في جميييع قبااائل السعوديـــهـ ,,’’,,

    مُساهمة من طرف المهندس الجمعة سبتمبر 05, 2008 10:53 pm


    وش دعوه أبوفيصل


    شكل عيونك مزغلله


    من هو اللي طارح القصيدة الله يسلمك


    Sad

      الوقت/التاريخ الآن هو الخميس مارس 28, 2024 10:35 pm